Wednesday, July 11, 2012

<< Հուլիսի 4-ը հայտարարվում է ՄԵՐԻԻ օր>>                                              Եկեք կրկին անդրադարձ կատարենք ամառային դպրոց-ճամբարի երկրորդ հոսքի մասնակիցներին:  Բնականաբար նրանց անցկացրած բոլոր օրերն էլ առանձնահատուկ են եղել, բայց հուլիսի 4-ը նրանց համար անկրկնելի էր:  Այդ օրը կրթողներից մեկի՝ Մերի Մալխասյանի ծննդյան օրն էր: Ճամբարականներնն օրն անմոռանալի դարձրեցին պատանու համար: Օրը սկսվեց շնորհավորանքներով, իսկ մաղթանքները բացիկների տեսքով իրենց տեղը գտան դռների վրա:  Օրվա ավարտը նշանավորվեց համեղ տորթով, որը հոբելյարը անձամբ հյուրասիրեց ընկերներին: Իսկ իրենց հերթին մասնակիցները պատրաստել էին հետաքրքիր պաստառ, այն վերնագրելով հետևյալ նախադասությամբ՝<< Հուլիսի 4-ը հայտարարվում է ՄԵՐԻԻ օր>>: Կարծում ենք, որ օրն իսկապես հագեցած էր անակնկալներով: Եվ համոզված ենք, որ երբ Մերին  հետադարձ հայացք գցի իր անցած ուղու  վրա, այդ օրը պայծառ աստղի պես կփայլի:

Sunday, July 8, 2012

Օրերն անցնում են, բայց տպավորությունները դեռ վառ են         
Արդեն բազմիցս նշել ենք, թե ինչ հագեցած են եղել 2012թ. ամառային դպրոց-ճամբարի մասնակիցների օրերը: Սակայն այսօր ցանկանում ենք առանձնացնել 6-րդ օրը, երբ ճամբարականներն այցելեցին Ախթալայի Սուրբ Աստվածածին եկեղեցին և Միկոյանների տուն-թանգարան: Գրեթե բոլորն էլ առաջին անգամ էին նշված վայրերում: Մասնակիցների խոսքերով՝դժվար է նկարագրել իրենց տպավորությունները: Ախթալայում ճամբարականներին տրամադրած տեղեկություններն առիթ հանդիսացան նրանց հոգում հպարտության զգացումի բարձրացմանը, քանի որ Սուրբ Աստվածածին եկեղեցին աշխարհում միակն է, որն ունի այդքան շատ և այդքան հին նկարներ: Իսկ Միկոյանների տուն-թանգարանում մասնակիցների մոտ այդ զգացողությունը կրկնապատկվեց, քանի որ էքսկուրսավարը  բավականին շատ տեղեկություններ հաղորդեց նրանց:  Ցանկանում ենք  հավելյալ տեղեկություն տրամադրել 
առաջին հոսքի մասնակիցների ինտելեկտուալ խաղերից: §Ի՞նչ, որտե՞ղ, ե՞րբ¦ խաղին §Կյանքի քաղց¦ և §RITHM¦ թիմերը խաղն ավարտեցին 5-6 հաշվով,  օգուտ կազմակերպության: Իսկ §Կորյուն¦ թիմը՝4-6, նորից օգուտ կազմակերպության: Որոշ ճամբարականներ ստացան մրցանակներ: Անկախ հաշվից, կրթողները շատ են կարևորում նաև խաղից ստացած գիտելիքները: Ինչպես նկատեցիք այս  բովանդակալից օրերն ու ամուր ընկերական հարաբերություններն են պատճառ դարձել, որ ճամարականները հեռանան Փամբակից արցունքն աչքերին:

Friday, July 6, 2012

 Ճամբարականների առօրյան Փամբակում 

Այս օրերին, երբ մենք զբաղվում ենք մեր աշխատանքով,  հոբբիով, Փամբակում են գտնվում ամառային դպրոց-ճամբարի երկրորդ հոսքի մասնակիցները: Ինչպես առաջին, այնպես էլ վերջինիս մասնակիցների առօրյան լի է հետաքրքիր դասընթացներով, ինտելեկտուալ խաղերով, սպորտային մրցույթներով, արշավով, էքսկուրսիայով և այլն: Չնայած  ճամբարականներն այս օրերի ընթացքում հաղորդակցվելու հնարավորություն չունեն, 
բայց լուսանկարները պատմում են, թե ինչ 
հագեցած են նրանց օրերը: Այսօր ճամբարականնրն իրենց վերջին օրն են անցկացնում հրաշալի բնությամբ օժտված Փամբակում:

Օրվա վերջում նրանց կմիանան ինչպես առաջին հոսքի, այնպես էլ 2011թ.-ի ամառային դպրոց ճամբարի մի խումբ մասնակիցներ, որպեսզի խարույկի շուրջ կիսվեն իրենց տպավորություններով:  

Thursday, July 5, 2012


ՈՒՍՈՒՑՄԱՆ ՆՈՐ ԵՎ ՀԵՏԱՔՐՔԻՐ ՄԵԹՈԴ
 Մանուկները տառերը չիմանալու պատճառով իրենց ցանկություններն արտահայտում են գունազարդ նկարների միջոցով: 
Բնականաբար երբ նրանք մեծանում են այդ նկարները փոխարինվում են տեքստերով: Թվում է, թե մեծերի խոսքն ավելի հասկանալի է քան նկարները: Բայց  երբեմն մենք ականատես ենք լինում հակառակ պատկերին` վերջերս մասնակից եմ եղել թմրամիջոցներին վերաբերվող քննարկմանը: Քննարկումը բավականին բուռն էր: 


Քննարկման ժամանակ տրամադրում էի նյութեր և հանկարծ լսում եմ մի երիտասարդի կարծիքը` “Մեզ տեղեկությունն ավելի հասկանալի դարձնելու ուրիշ տարբերակ օգտագործեք”: 

Դա երկար մտածելու առիթ տվեց. որոշեցի մարդկանց իրազեկել հետաքրքիր և բովանդակալից նկարներով: Արձագանքը բավականին հաճելի էր: 
Հիմա կարծում եմ, որ դրանց միջոցով տեղեկությունն ավելի մատչելի է դառնում հասարակությանը: Ստորև ներկայացված են այդ նկարներից մի քանիսը: Կարծում եմ դրանք ձեզ դուր կգան: Դուք էլ փորձեք գտնել այլընտրանքային տարբերակներ և համոզված եղեք, որ դրանք կընդունվեն մեծ սիրով:




Tuesday, July 3, 2012

Պայքարում է նոր սերունդը   Տարիներն անցնում են:  Հետևաաբար փոխվում են մարդիկ, փոխվում են նոր սերնդի մտածելակերպն ու աշխարհայացքը: Տարբերվում են նաև նրանց պահանջները, ընկալման և յուրացման ձևերը: Նրանք՝ կյանքից ավելին ակնկալողները, չեն վախենում բարձրաձայնել իրենց հուզող հարցերի մասին և հասնել  արդյունքի: Դրա վառ ապացույցներից մեկը հունիսի 26-ին՝ թմրամիջոցների դեմ պայքարի միջազգային օրը, երթի դուրս եկած մի խումբ պատանիների համարձակ քայլն էր:
 Նման երթեր են կազմակերպվել Հայաստանի մի շարք   վայրերում: Փամբակի ամառային դպրոց-ճամբարի  մի խումբ կրթողներ այցելել էին Վանաձոր քաղաք:  Շրջելով փողոցներում, նրանք ոչ միայն թերթիկներ էին բաժանել անցորդներին, այլ նաև տրամադրել  էին տեղեկություններ  մարդկային հասրակության չարիքներից մեկի՝ թմրամիջոցների մասին:  Քաղաքացիներից շատերը ողջունել էին այդ քայլը: Բայց չեմ կարող  նաև հերքել, որ որոշ մարդկանց կարծիքով, իրենք՝ հասարակ քաղաքացիները, կարիք չունեն իրազեկվելու: Այնուամենայնիվ հավասարը` հավասարին մեթոդով կրթողները միշտ պատրաստ են ոտքի կանգնել և պայքարել կատարելության հասնելու համար:

Sunday, July 1, 2012

Ամառային դպրոց-ճամբար 2012թ.              
2012թ. հունիսի 23-30-ը անմոռանալի հիշողությունների շրջան դարձավ մի խումբ պատանիների համար: Նրանք՝ §Հավասարը` հավասարին¦ մեթոդով կրթողները, հետաքրքրություններով լի  8 օրեր անցկացրին Լոռվա մարզի գեղատեսիլ Փամբակ գյուղի ամառային դպրոց-ճամբարում: Ճամբարականներն այնքան արագ մտերմացան, որ անտեսեցին Հայաստանի տարբեր մարզերից լինելու և տարբեր մտածելակերպ ունենալու փաստը:  Գովելի է այն, որ մասնակիցներին չվախեցրեց հարազատ միջավայրից հեռու լինելը, անձրևային եղանակին արշավելը, հունիսի 26-ին՝ թմրամիջոցների դեմ պայքարի միջազգային օրը երթի դուրս գալը: Հարգելի ճամբարականներ, նոր է ավարտվել ձեր կյանքում նոր էջի մեկնարկը տվող հրաշալի շաբաթը: Կարծում եմ, որ տպավորությունները դեռ վառ են: Այնպես որ, կարող եք այստեղ պատմել ձեր դժվարությունների, ձեռքբերումների և այն ամենի մասին, ինչ տպավորվեց ձեզ մոտ ամառային դպրոց-ճամբարից:

Thursday, November 17, 2011

Մենք 10 տարեկան ենք

«ՁԻԱՀ-ի կանխարգելում, կրթություն և խնամք» ՀԿ-ն այս տարի նշում է իր գործունեության 10-րդ տարեդարձը: Ստորև բացված ենք հայտարարում մեր մասին «արձագանքների անկյունը»: Այստեղ կարող են մեր գործունեության մասին իրենց կարծիքը թողնել բոլոր նրանք, ում հետ պատիվ ենք ունեցել համագործակցելու, ծանոթանալու, բարեկամանալու մեր գործունեության 10 տարիների ընթացքում: